الخميس، 25 أبريل 2013

#####


اه ليتك ياحمامه ترحلي لديار خلي
                         طيري بالله ياحمامه سافري هاتي علومه ...
شوفي حاله عقب بعده وعقب نسيانه وهجري!؟
                   شوفي وضعه نفس وضعي او انه عايش براحه....
علميني ياحمامه كيفها دنياه بعدي؟!
              هو فقدني ، حن لعيوني ، اواني صرت اخر اهتمامه ....
علميني بعالمه هو مرتاح ومتهني؟!
                      والاهو مثلي يصارع موج هايج في عناده .....
خبره ياطيري انه " وحده متربع في عرشي "
                     واني مااقدر على بعده ولا لحظه غيابه .....
بلغه ياطيري اني مبتلي بحبه وكني
                  صرت انا مثل السقيم اللي يدور عن علاجه....
علمه انه هو دائي وانه ايضاً هو دوائي
                      يعلم الله اني عايش حالهً ماهيب حاله .....
ااه من بعدك ، ومن جورك ، ومن ظلمك ياقاسي
                            وينها حنيتك اللي غطت كل عباده ......
ليه تبخل في وصالك ، عن سوالي ، ياجوابي !؟
                   ليه تتغلي عليا ،، اسف اقصد ليه تتخلي !
ماابي اقسى في سوالي
               ماني متعود على القسوه معاك او عليه ....
ياحبيبي اسمع النبره الحزينه اللي صارت سيدة صوتي ونوحي
ياحبيبي عقب هذا مابي منك عذر او حتى ملامه ...
بس قلي : انت راجع .. راجع لقلبي وعيني
عود ليا وقول راجع   ... راجع ياديار الحبيبه ..
               
                   ******


###




( قالو علامك منت فرحان بالعيد
                قلت الفرح فارق حياتي وذاتي
من يوم راحت نور هالبيت ل بعيد
                والشوق زايد والحزن من صفاتي
هذي الغلا كل يوم فقدتها تزيد
                    والله ولك وحشه ي بعد كل غالي
يارب لم الشمل وعيده من جديد
                   وخلينا نفرح ونذكر ايام خوالي
ولاعاد احد يسال علامك بهالعيد
                    العيد ماله طعم بدونك ياهداوي )

2005🌹

                   *******
###*###


غريبه حال هالدنيا !?
ابعرف كيف ابوصفها عجزت اثبت على كلمه ..!
لانها دايماً ب احوال ...!
تجي بصفك ... تجي ضدك ... تجي لك عكس ترتيبك ...
عسى الله عاد نفهمها ،
عساها ماتجي ضدي عساها ...
عساها في وقتي الحالي تجي بصفي .
.وتخليني معك دايم
واصير بصحبتك هايم ...
واذا جتني هالدنيا وزمنها عكس ترتيبي
ب اصير ف حظي العاثر
و ب اصيح الها بعالي الصوت ولا ابالي ...
واقول انك ظلمتيني وحكمتي بحكمك القاسي في لظه عكس ترتيبي
علي بالموت !..
لانك حيل جباره .. طغيتي بكل مافيك على قابي ومايهوى
حبستي كل انفاسي
وحجبتي النور عن دنياي
امانه ليه يادنيا تحرميني من اعز الناس
اعيش شلون من دونه !!
سوال يراود افكاري !؟
عليك الله زمن طاغي تجاوبني
وترءف بحال من يسالك !
امانه يازمن غادر بحكمك ابتعد عنا )

         **********


#####


وهذا جزاء الطيب في هالزمان
                     دايمً هجرانه نهاية طريقه  ...
مسكين قلبه في الهواء غرقان
                     مظلوم دايم والظالم حبيبه ....
يازمنا من يغير هالزمان
                      ومن يغير طيبنا ويحط بديله ....
ااه يالطيبه ماعاد لها مكان
                       في زمن فعايله كلها عجيبه ....
خسران يالطيب اسف اقصد يالجبان
                      وربحان يالعايش بقلب كالحديده ...'


            ******* 
#####

استهويت الصمت معه ...
ولكني اراه صمت مهيئ للبوح !!
       ****
# #

 لا مااصدق ان الذي جالس معي هالحين
هو انت يلي قبل عامين ...!
وش غير احوالك .. وش عامل بحالك ...
بعت الضمير .. وبدلت وصلك بالهجير ..!
نسيت شمعه دنيتك ..
نسيت عنوان الامل ..
نسيت جرحي والالم ...
نسيت حتى التضحيات ..!
نسيت كل اللي مضى !
خنقتني العبره وسكتت..
وفجاة يرد وبكل برود
" انسي تراني قد نسيت "!!

          ********
# #

ابسالك يالغلا عن سر انجذابي لك
           وابسالك هذا الغلا اللي يقولونه !..
اشياء وعدة اسئله بسالها لعيونك
            ابي تشاركني الاجابه واصير ممنونه ...
قلي ي انت: جاوبني وضح وش عملت
بعالمي كله دخلت بلا اذن حتى حت اقتحمت
اعطيت نفسك المجال انك تجاري دنيتي
في حلها وترحالها وفي صبحها وف لييلها
ف ايامها .. وساعاتها .. ولحضاتها ..
بالمختصر سويت روعه بجوها
زدت الحلاوه بعالمي .. شايف وجودك ايش عمل !..
وتلومني لامن تنهدت لجل اقول
" ااه ياغلاتك ي محيري"!!

              ********
# #

 مدري الوفاء في هالزمن صاير قليل ...
            والا انا دنياي اصلاً نادر فيها الوفاء ..

          ********
#

دامي معك بمشي ب غلانا ل قدام ...
        ودام المحبه عهدنا اوعدك مااانرجع ورى ..!


                    *****

الجمعة، 19 أبريل 2013




###

يً الله عسى ماتمس ايدينها النااار
           ولا تمس اي قطعه من جسمها الطاهر
رجواك يً ربي بشرها بكل ساااار
            واسكنها فردوسك مطلوب كل صااابر

               ******* 



# #

ياااارب تغفر وترحم جدتي "العاتي"
             يااااارب اجعل جنان الخلد مثواهااا
الكل فاني وانت الواحد الباقي
            مايعجزك شي يارجاي ورجاهاااا
   
                    *****

# #

في يوم الاثنين تسعه من ربيع اول
            وبعد الغروب ويوم الاعمال مرفوعه
بانت ملامح حزن في وجه من اقبل
             وعرفت ساعتها ان الروح مقبوضه
هاليوم ذكرى فراق شهرها الاول
             وصوت الدعاء والنداء في اذني مسموعه
حتى وهي تحت الثررى صوتها يوصل
             غاب الجسد بس روحها بالجوف مزروعه
لا مااعترض ولا اجزع مهما ايامنا تطول
              راضي بقدر ربي مع اني حيل موجوعه
ييييييالله  ييييالرحمن يالواااااحد  الاول
              الفردوس الاعلي لمن بين ايديك موضوعه

             *الى جنات الخلد ياجدتي ❤
                          ********

الخميس، 18 أبريل 2013

$ $

  الغربه لاتعني الرحيل عن موطنك ،،،،
  الغربه هي الخروج من قلب كان وطنك!
               
                                         $ $

الثلاثاء، 16 أبريل 2013



#

ماهو خطا قلبي يومه تعلق بك
مجنون قلبي يجي للمووت بايعها 


مدري الثقه من وين جاتك واعمتك!! 
           شكلك نسيت الماضي والا تناسيت ؟!  
والا انتطارك امس وفرحتك اغرتك؟! 
          اقووووول خذها وبختصرها لك ب بيت! 
موج الهلال ان ماعصفبك ترى اغرقك! 
         وغطى شعاع شمسك اللي به تعزويت !


             ********
#    #

ب هالمساء موعد ولا كل ميعاد
        كل القلوب الزرق تنتظره بشوق
فينا وله شوفة صناع الامجاد
        اللي علا مجدهم من جهد مو بووق
لاتلومني ياصاح في الحب لاازداد
         "حبي الهلالي" صار يجري بالعرووق
خاشر غلاة ابوي وامي والاجداد
           ولعيون منهو غاااالي وقمة بالذوووق
لاشفت موجً تلاطم مع بعضه بعناد
             ولمحت في عالي الفضاء رعد وبروق
اعرف ترى زلزال هالارض موجود
              عازم يفرح شعب يخليها تروووق
وبصوت واحد نرفع كفوفنا يارب العباد
              انصر ووفق زعيم القرن من فوووق ...

            ***********
#  # 

تضيق الارض اذا صدرك تكدر 
               ويتعكر مزاجي وانت ضايق 
على الضيقه انا مااقوى ولا اقدر 
              تعودت شوفتك فرحان رايق !
             *****

الاثنين، 15 أبريل 2013

# #

لو تشوف العين او تلمح احد
          مايرد الروح غير شوفة حلاك
لك بقلبي شوق لايحصى ويعد
         الله يعلم قدر محبتك وغلاااااك

               ***** 


#

راحت وانا اوصي عليها القرايب
           حسيييت  بفراقها من قبل لاترووووح
يااااااارب  هونها علينا المصايب
         واجعلها اخر دمعه من عيني على روح

*********



#   #
 كنت احسبه حلم وابي من لوعته اصحى
  واثري غرقت وطبع الايام غداره
وبجمع شتاتي والملم نفسي ي جاره 
وبترك ديارً لها من الالم ذكرى
لكن قبل لاارحل بنبهك بعباره
" الطيبه طبع ميت" وخليها عظه وعبره

*******
#   #
عود ترى الديره بليا وجودك
       تشكي كاابه وضيق وكتمه بالانفاس
عود ترى الدنيا ولا شي بدونك
       يانورها يافخرها ياتاج هالراس

           ***

# #

ي اللي تقول اني اجمل اشياء الحياة ...
       انا اقول انت الحياة وجمال كل اشيائهاااا ...

****


            ضوء القمر ... 
                غمزات النجوم ... 
                        سكون الليل ....
كفيله ب ان تصحبك الى عالم اخر ! 



ياشوق قلبي ل شوفة قطعتنً مني 
        وياشوق كلي ل ضحكة ثغرها الباسم 
هي الغلا كله وحبها يسري بدمي 
         زاحم غلاها شخص ربي به العالم
  


         وسع الفضا بي ضاق وانحبست انفاسي 
                  واظلم علي هالكون واطفيتها شموعي 
         لاتلومني ياصاح فااااااقد  اعز ناسي 
                  جفت ورود الشوق واسقيتها دموعي !



على طاري المكان اللي جلسنابه انا وياه...
             اجدد ذكريات الامس وازوره بين كل فتره ...
رحل عن ناظر عيوني ولا ادري مهتني بدنياه.. 
                تركني وحدي اتالم على فرقاته وبعده ...
اشوفه في زوايا هالمكان اللي عجز يمحاه ..
         ويسري بمسمعي صوته صدى ضحكاته وهمسه .. 





ياللي تقول اليوم ناقص بدونك 
انا اقول الكون من غيرك غياااباات 
وش هي حياتي دون شوفة عيونك
يالنور في ظلمة كل المحطاااات 
اعتب على وقتً يحرمني شوفك 
وجلسة بها مزحه وفرحة وضحكااات
من كثر مااحكي بك ناسي يتمنونك 
انلام في عتابي على ظلم الاوقااات؟! 
اللي يعرفك صعب يلقى عيوبك 
ياشيخ خذها بس من اقصى المسافات 
لاتوفي الكلمه ولاتوصل وصوفك
دنيا بلا " وجودك" عليها السلامات..